Makai enggai enda disuap..

makai suap..majak nyadi diatu, kadang kadang rindu ninga, kadang kadang pedis ga ati ninga..diatu semua pengawa enggai enda diberi makai suap magang..tang ya ke balat sigi urang perintah meh makai suap tu, ukai ka bejai ke urang gawa perintah ga deh..tang ga nya ga utai ke dipeda mata aku, nya aku berani madah..pengereja pengawa enti jujur legi,kitai urang biasa tu ke pedis isi..enti pengereja pengawa perintah enda jujur,kitai nyamai sida iya nyamai..tang ga kredibiliti urang gawa perintah tu jauh amat labuh..keni meh ka ngarap ke perintah enti bakanya ?..utai bansanya pan bedau ulih diatasi..
enda ibuh jauh meh aku nyema pengawa urang perintah minta rasuah tu..ba alai aku gawa ditu pan udah numbas..tiap minggu, sampai 2 kali polis datai kitu minta duit suap..datai tubuh 2, minta rm50 siko udah nyadi rm100..enti 2 kali datai seminggu, bulih rm200..sebulan rm800 empa sida iya..nya baru polis pangkat rendah nya..bedau sida iya ke ba atas din nya..enda kurang ari rm1000 ulih sida nya..
udah nya kastam pan bansanya ga ulah sida iya..minta duit suap ga..baka kilang kami tu, tiap ari sampai 3 iti kontena pansut ari kilang tu dalam siti siti ari nya..nyadi sida kastam tu,minta ga duit suap laban enti enda meri duit suap, kontena kami nya sigi enda sempat dilulus ke sida iya..enti enda sempat dilulus ke sida iya,makna ya enda sempat la kontena nya ditepu dalam kapal kontena..enti enda ditepu dalam kapal kontena maya ya ke patut, rugi meh kami..klien oversea enda pechaya ke kami agi..ka pen enda,terpaksa ga merik sida kastam tu duit suap..siti kontena rm300..uji kita berunding berapa penyampau nya dalam sebulan enti bisi 3 kontena deka dipansut ke dalam sehari..
udah nya imigresen..minta duit suap ga..tiap kali ka ngadu ke pom sida indon ke gawa ba kilang tu, sida imigresen minta ga..siti pom dipinta sida iya rm50..bayangkan enti sampai 20 iko urang indon ka dibai kitu..enti enda diberi, mayuh amat kelikuh sida iya ka ngadu ke pom sida indon nya..sigi nadai semangat ka gawa sida iya amo enda minta duit suap..
udah nya BDA..maksud aku Lembaga Kemajuan Bintulu..sida tu pan sebaka ga..nama ka minta approval utai tu, minta approval utai nya ba sida iya enggai enda ga minta duit..pedis pala..minta approval tanah ari sida iya, minta duit dulu..hmm..sema jako, nadai duit nadai utai tau nyadi..

dah..cukup dah cerita pasal makai suap tu deh..mayuh agi ke bukai nya..lembau ka nyebut iya..sekeda urang perintah nya idup minta duit suap,kami swasta tu kadang kadang terpaksa ga meri..ka pen enda,ngarap bisnes nadai penanggul..nya meh utai dipinta kami ke swasta tu..
sapa salah?
dua dua salah..